دراسة جدوي مشروع أنتاج وتصنيع نشارة الأخشاب مقدم من مجموعة بيراميدز جروب

دراسة جدوي مشروع تصنيع نشارة الأخشاب

من إعداد أ/ طارق أحمد عقل رئيس مجلس إدارة مجموعة شركات بيراميدز جروب المنيا مصر

بسم الله الرحمن الرحيم

والصلاة السلام على سيدنا محمد خاتم الانبيا والمرسلين

اما بعد,,

سنتحدث اليوم عن دراسة جدوي عمل مشروع نشارة الخشب مقدمة من ( مجموعة بيراميدز جروب للتنمية والأستثمار )لتصنيع الماكينات وهذه الدراسة نتيجة تشغيل ماكينة نشارة مدة كافية لدراسة المشروع والسوق والله على ما اقول شهيد وليست لتقديم دعاية فقط وسوف تحدد الدراسة عن طريق عدت نقاط ثم نتحدث عن كل نقطة بالتفصيل وستكون هذة النقاط كما يلى :

ملحوظــــة : سعر طن النشارة البيضاء فى الاسواق بتاريخ(31 /10/2017 ) من ارضة يبداء من 1300 الى 2000 جنية / سعر شيكارة نشارة الخشب (عبوة شيكارة العليقة) يبداء من 20 الى 25 جنية من ارضة , سعر طن الخشب حريق من  250 الى 450 جنية من ارضة , سعر طن خشب الورد من 280 الى 300 جنية من ارضة سعر طن خشب الكزورين والكافور من 200 الي 400 جنية من أرضه ( هذه الاسعار سوف يتم تحديثها كل فترة او عند حدوث تغير فى الاسعار). 

وهناك اختلافات بسيطة من محافظة الى اخرى.

1. الماكينات المستخدمة فى المشروع المهمة وغير المهمة.

2. اسعار الاخشاب والوزن الذى يفقدة طن الخشب بعد النشر والتجفيف وتكلفة عمل طن نشارة.

3. اسعار السوق وكيفية التعامل مع السوق.

4. الاخطاء الواجب تجبنها لنجاح المشروع.

الان ناتى لكل نقطة بالتفصيل:

1.                     الماكينات المستخدمة فى المشروع المهمة وغير المهمة.

• ماكينة النشارة (مهمة) وتختلف الماكينة من حيث القدرة والانتاج .

فالماكينة ممكن تكون بالدساتير فقط ويكون عدد دساتيرها من 4 دستير الي 6 دستير ويوجد ماكينات أحدث تبداء من واحد درفيل الى ستة درافيل , الماكينة الواحد درفيل هناك مقاس عرض 30سم او 40 سم او 50سم للدرفيل وهذه تعمل على كهرباء 220 فولت او 380 فولت اذا توفر وهناك ماكينة واحد درفيل عرض 60 سم ولا انصح ان تعمل على كهرباء 220 وخصوصا فى الاماكن التى بها الكهرباء تصل الى فولتات منخفضة فالحل ان تكون تعمل على كهرباء 380(3فاز) اما بخصوص انتاح الماكينة الواحد درفيل فالانتاج بالساعة يرجع الى عوامل كتيرة منها سمك النشارة هل الخشب طرى ام ناشف فاقل انتاج بالساعة لماكينة واحد درفيل مقاس 50 سم تكون من 120 الى130 كيلو اذا لحساب ماكينة اتنين او ثلاثة او اربعة درفيل

نقوم بضرب عدد درافيل الماكينة فى الكمية المنتجة بالساعة مثال على ماكينة اتنين درفيل

 130* 2 = 260 كيلو لكل ساعة

اما لو كانت ماكينة 4درفيل اذا تكون

130 * 4 = 520 كيلو لكل ساعة

مع التنوية ان هذا وزن الخشب قبل النشر والتجفيف.

• مجفف نشارة الخشب(مهم فى الشتاء) وغير مهم فى البداية فى الصيف اذا توفر مكان للتنشير " وطولات خشبية للنشر عليها وحوامل وضع الطولات عليها ملحوظة هو مهم في انتاج أنواع نشارة تدخل في التصنيع وبالأخص صناعة الخشب البلاستيكي .

مجفف النشارة وهو الذى يقوم بتجفيف النشارة من الرطوبة وذلك في حالة أستخدام خشب الأشجار الجديد الغير ناشف في هذه الحالة يكون المجفف ضروري جداً حيث اننا نستخدم خشب اشجار بة كميات مياة بنسب متغيرة سوف نذكر هذه الكمية فيما بعد وارجو من الاخوة القادمين على هذا المشروع الانتباة الى اختيار النوعية الافضل فى المجفف حيث هناك مجففات تحتاج الى كمية معينة من النشارة ثم يقوم المجفف بالتجفيف فى فترة زمانية معينة ثم نقوم باستخراج النشارة من المجفف ثم تركها تبرد  فترة معينة قبل التعبئة وتبريد النشارة مهم لان اذا قمنا بالتعبئة قبل التبريد سيتغير لون النشارة الى اللون الاسود وقد يؤدى هذا الى تعفن النشارة قبل البيع.

اما النوع الثانى من المجففات وهذا ما نقوم بتصنيعة ويوجد لة فديو فى قسم مجففات النشارة فى

المدونة لدينا هذا المجفف يقوم بتجفيف النشارة انتاج مستمر حيث تدخل النشارة من البداية وتخرج من نهاية 

المجفف فى انتاج مستمر ولاكن قبل خروج النشارة يقوم المجفف بعزل البودرة الناعمة منها وتبريدها

بحيث نقوم بالتعبئة فور خروج النشارة من المجفف دون اهدار الوقت فى انتظار فترة معينة لتجفيف النشارة

داخل المجفف او الانتظار حتى تبرد حيث المجفف يعمل بطريقة (الدودة الدوارة)ويعمل بالغاز.

• مكبس بالات نشارة (غير مهم فى البداية مع الماكينات الواحد درفيل).

يعتبر مكبس النشارة فى بالات من الاشياء التى تعطى شكل جمالى لشكل النشارة وايضا المحافظة عليها من الاتربة اذا تم التخزين فترات كبيرة وايضا للمكبس مهمة اخرة انة لو لم يكن هناك مكان كبيرة للتخزين فهو يقلل من حيز استهتلاك المكان بصورة تصل الى حد كبيرحيث انة تكون وزن البالة الواحدة من 20 الى 25 كيلو بمقاس صغير حيث يقلل من مكان التخزين وايضا الاستطاعة بنقل كميات كبيرة اكتير بحوالى اربع او خمس مرات من نقلها فى شكاير على السيارات.

     2. اسعار الاخشاب والوزن الذى يفقدة طن الخشب بعد النشر والتجفيف وتكلفة عمل طن نشارة .

ارجو التركيز فى هذه النقطة حيث سنقوم بحساب تكلفة طن النشارة حتى الانتاج وستكون الحسابات قابلة الى  تغير السوق فى الارتفاع او الانخفاض وايضا اختلاف الاسعار فى المحافظات حيث يوحد على سبيل المثال فى مناطق وجة بحرى سعر طن الخشب 370جنية وصال فى اماكن اخرى مثل الاسماعلية 280 جنية وصال في الصعيد من 250 الي 400 جنية ويوجد نوع أرخص يطلق علية خشب الحريق وليس خشب الصنعة يتروح سعره من 75 الي 150 جنية فنحن نستخدم خشب الحريق فى نشارة الخشب حيث انة الارخص وايضا يعطى النشارة المطلوبة حسب نوعية الخشب.

ناتى لنقطة اخرى وهى معدل نزول الطن من الرطوبة بعد النشر والتجفيف وهذه الكمية تكون متغيرة باستمرار ولاكن سوف

نقوم على حساب ان طن الخشب تم قطعة بتاريخ نفس اليوم الذى سنقوم فية بالشراء

وهذه الكمية ستكون 300كيلو فى الطن ليس اكثر وتقل كلما جف الخشب ولا انصح بشراء اخشاب 

جافة جدا زاد على قطعها مدة كبيرة وسنتحدث عن هذه النقطة فيما بعد بالصور.

اذا لحساب تكلفة طن نشارة يكن كالتالى:

450 جنية سعر الطن وصال لارض المصنع

ما يعادل سعر الكيلو 45 قرش

اذا نحن نحتاج واحد طن و300كيلو خشب حتى نتمكن من الحصول على واحد طن نشارة بعد التجفيف والبودرة اذا قمنا بفصلها.

سعر ال300كيلو خشب يكون 300*0.45=135جنية نقوم باضافة مبلغ 135 جنية على 450 جنية سعر الطن يكون

450+ 135 = 585 جنية هذا ما نحتاجة لكى نتمكن من الحصول على واحد طن نشارة خشب  ناتى الى حساب تكلفة العمالة والايجار والكهرباء  وسوف استند على نظرية حساب اعلى تكلفة واقل ربح سنحتاج عدد 2 عمال 100جنية حيث 50 جنية لكل عامل كهرباء 10جنية لكل طن هالك كساتر وسن كساتر5جنية ولا يصل الى هذه الحد ايضا ايجار 10جنية لكل طن وايضا حسب المكان 585+100+10+5+10 =710جنية

اذا تكلفة الطن الواحد 710 جنية بالنسبة الى ماكينة واحد درفيل فقط اذا قمنا بالبيع بسعر 1100 فقط فسنقوم بطرح تكلفة الطن من سعر البيع 1100 – 710 = 390 جنية صافى ربح للطن

390 * 26 يوم عمل = 10140 جنية دخل شهرى هذا استنادا على مقاس اصغر ماكينة حيث يتم الحصول على سعر شراء الماكينة فى شهرين عمل فقط   اما لو كانت الماكينة اكثر فى عدد الدرافيل سيكون مبلغ العمالة هو نفسة ومبلغ الايجار هو ونفسة.

   3. اسعار السوق وكيفية التعامل مع السوق.

ان اسعار السوق فى تزايد مستمر حيث كلما ذاد الطلب على سلعة زاد سعرها .

ونستند فى السعر على الاماكن الذى تنتج كميات كبيرة من النشارة الا وهى محافظة دمياط حيث تنشر فيها ورش النجارة وبكثرة فسعر طن النشارة  من مكانة يصل الى 800 جنية للطن وبة بوردة (ناعم)بكثرة وبة ايضا كسر اخشاب ومع حساب مصروفات النقل سوف يصل سعر الطن الى1400جنية او 1500 جنية امال بالنسبة للتعامل مع السوق بالحذر كل الحذر من التلاعب او الطمع هذا هما السلاحان الذى سوف تخسر مشروعك ويؤدى الى الخسارة فى النهاية.

وبخصوص من يدعون انة لا توجد نشارة شجر بيضاء وكلها حمراء فهذا خطاء

لان النشارة يحدد لونها بحسب نوعية الشجر فو كان ابيض بالطبع سوف تكون النشارة بيضاء

لو كان احمر ستكون النشارة حمراء فهل تعلم ان النوعية الذى ينتج نشارة بيضاء من الاخشاب

الذى نستعملها هما (يتم توضيحهم للعميل خاصتنا )ولاكن يجب ان تعلم انة يوجد منهم ستة انواع

والذى ينتج نشارة بيضاء منهم هما نوعين فقط من (يتم توضيحهم للعميل خاصتنا ) وهما متوفران

ولاكن لان هذه الدراسة نتيجة تجارب وتعب كثير اضعها بين يديك فيجب الاحتفاظ ببعض الاشياء

البسيطة منها وطرحها فى الوقت المناسب (يتم توضيحهم للعميل خاصتنا ) .

       4. الاخطاء الواجب تجبنها لنجاح المشروع.

• عدم ظبط الماكينة لاخراج نشارة سميكة حتى يقل الوقت وبالتالى يزيد المكسب ولاكن اعلم انك لن تستمر فى هذا المشروع الا لفترة بسيطة جدا ومن يتعامل معك مرة او اثنين لان يتعامل معك الثالثة.
•  عدم تعئبة النشارة قبل التبريد مما يسبب تغير لونها او العفن وقمنا بذكر تفادى هذه المشكلة فى الجزء

الخاص بالمجفف.

• عدم استعمال انواع معينة من الاخشاب مما ينتج نشارة غير قابلة للمواصفات المطلوبة للمشترى وهذا قمنا بشرحة فيما سبق , ولاكن هناك ايضا انواع يعطى نشارة بيضاء ولاكن يجب البعد عنها وهى نوعية اشجار(يتم توضيحهم للعميل خاصتنا ) حيث تتسبب فى تبريد الكساتر بسرعة بسبب التيلة التى توجد بدخلها وايضا اشجار(يتم توضيحهم للعميل خاصتنا ) لانها اذا تم الانتظار عليها فترة كبيرة يتغير لونها الى اللون الاسود , واعلم كل العلم انة اذا تم نشر الخشب بالطريقة الصحيحة وتجفيفة ايضا بالطريقة الصحيحة فلن يتغير لونة ابدا.
• عدم تخزين الاخشاب فترة تزيد عن شهر لانة سوف يتغير لونها حتى لو كانت اخشاب بيضاء قبل النشر واليكم صورة توضح لون النشارة لو زاد تخزين الخشب عن شهر وصورة اخرى لنفس نوعية الخشب لم يزيد عنها التخرين عن شهر ولتفادى هذه المشكلة اذا كان يوجد لديك كمية كبيرة من الاخشاب يجب رشها بالماء كل يومين او ثلاثة حتى لا تجف بنسبة كبيرة مما يودى الى تغير لونها ويسبب ايضا الخشب الجاف بنسبة كبيرة الى تبريد الكساتر بنسبة سريعة وزيادة البوردة حيث ان الطبقة الخارجية للشجر وهى القشرة لا تعطى نشارة بل تعطى بودرة وهذا يظهر فى الاخشاب الجافة جدا بنسبة كبيرة واليكم الصور,, 
• الصورة الاولى لنشارة أخشاب زاد تخزينها عن شهر دون رشها بالماء كل فترة  
• 

  * الصورة الثانية لنشارة اخشاب لم يمر عليها شهر او رشها بالماء من فترة لاخرى

وأسعار ماكينات انتاج وتصنيع النشارة لدينا تبدأ من 25 ألف جنية الي 160 ألف جنية بنسبة لماكينات

وبالنسبة للمجففات تبدأ من 25 ألف جنية الي 65 ألف جنية 

وبنسبة لمكاكينات الكبسة " مكبس النشارة تبدأ من 75 ألف جنية الي 250 ألف جنية 

وأسعار خطوط الأنتاج والتصنيع لدينا تبدأ من 65 ألف جنية الي مليون جنية بنسبة لكامل معدات وآلات وماكينات الخطوط 

والان هذه دراسة مقدمة من  (مجموعة بيراميدز جروب للتنمية والأستثمار والخدمات والتجارة والأستيراد والتصدير والتوكيلات التجارية والصناعية والتوريدات العامة والدعاية والأعلان والتسويق ) وتقوم المجموعة بأنتاج وبتصنيع كامل معدات وآلات وماكينات كامل خطوط الأنتاج وتقوم بتركيبها لعملائها .

تعطي المجموعة لدينا أطول فترة ضمان لآي خط من قبلها وهي " 5 سنوات " ضمان علي كامل الخط 

وهذه الدراسة عن تجربة حقيقة لما قمنا بتسليمة لعملائنا الكرام

 وهذه الدراسة حصرية

ارجو من يريد النقل ذكر المصدر

واسف على الاطالة

واى استفسار ارجو التواصل على الفيس بوك او سكاى بى او أو ياهو ماسنجر أو الاتصال على ارقام الموبيل المذكور أسفل

 الي كل شاب وفتاة جاد وجادة  يبحثان عن فرصة عمل حقيقية من خلال إقامة وأنشاء مشروع خاص به أرجوا مرسلتي لمساعدته في إقامة وإنشاء مشروعه من خلال المرسالة علي

عناوين البريد الألكتروني للمجموعة

pramedsgoropelmanea@yahoo.com

tarekakl2012@gamil.com

tarekakl2011@yahoo.com

tarekakl2012@yahoo.com

كما يمكن مراسلتنا عبر رسالة به السيرة الذاتية كتعليق علي موقع مدونتي هذه
او بالبريد العادي علي العناوين المذكورة بعالية
أو عبر زيارتنا علي أرض الواقع لمصنع مجموعة بيراميدز جروب للصناعات الهندسية طارق أحمد عقل وشركائه
الكائن بمجمع مصانع بيراميدز جروب بشارع اللواء محمد عقل باشا بقرية الجزائر مركز سمالوط محافظة المنيا مصر 

للأستفسار والأستعلام نرجوا الأتصال بالأرقام الأتية :-

01028596288

01006751034

مجموعة بيراميدز جروب مصر محافظة المنيا

أو زوروا موقعنا التالي

https://pramedsgorop.blogspot.com.eg

http://tarekaklegapt.blogspot.com.eg

 ان وفقت فهذا من الله عز وجل وان اخطاءت فمن نفسي والشيطان

والسلام عليكم ورحمة الله وبركاتة
اخوكم فى الله طارق عقل

رئيس مجلس إدارة مجموعة بيراميدز جروب

لكم منا التحية والأحترام والتقدير

من يعجبة الدراسة وموضوعها وما نشر بها نرجوا منه ترك تعليق عليها وشكراً

صور بعض عروضنا

لخطوط ومعدات وآلات وماكينات الأنتاج والتصنيع والتعبئة والتغليف لنشارة الأخشاب 

دراسة جدوي متكاملة لمشروع أنتاج وتصنع كافة انواع المنظفات " الصابون السائل - بيريل -شمبوهات - ... "

دراسة جدوي مشروع تصنيع المنظفات

من إعداد أ/ طارق أحمد عقل رئيس مجلس إدارة مجموعة بيراميدز جروب المنيا مصر

بسم الله الرحمن الرحيم

والصلاة السلام على سيدنا محمد خاتم الانبياء والمرسلين 

اما بعد,,

سنتحدث اليوم عن دراسة جدوي لعمل مشروع أنتاج وتصنيع وتعبئة وتغليف المنظفات المختلفة

 مقدمة من ( مجموعة بيراميدز جروب للتنمية والأستثمار ) لتصنيع الماكينات وهذه الدراسة درسة عملية وعلمية وليست لتقديم دعاية فقط وسوف تحدد الدراسة عن طريق عدت نقاط ثم نتحدث عن كل نقطة بالتفصيل وستكون هذة النقاط كما يلى :-

اساسيات صناعة المنظفات وأساسيات آي خط أنتاج لها :-

في الأول نحب ان نوضح لكم بعض النقاط الثابتة في آي خط من الخطوت وطرق عمل الخط كتالي :-

أولاً :- مكونات آي خط أنتاج وتصنيع منظفات يتكون من :-

1- وحدة خلط وتركيب للمنظفات من الخامات المختلفة والمتنوعة .

2- وحدة تخزين للمنتجات المصنة لحين التعبئية .

3- وحدة تعبيئة وغلق وتغليف منتج .
4- سيور نقل بين الوحدات .
وحدة تحكم لكامل الخط والمصنع .

ثانياً :- لابد من توافر التدريب الجيد للعمل علي الخطوط وذلك بالتدريب علي عمل الألات والماكينات وبالتدريب علي عمل تركيبات المنظفات بطريقة علمية وصحيحة حتي نحصل علي أعلي نسبة جودة منتج .

ثالثاً :- إدارة مشروع وتسويق منتج جيدة ويتم التدريب علي الإدارة والتسويق .

رابعاً :- يجب ان يعلم الجميع أن اكثر مادة مستخدمة بكمية كبيرة في المنظفات بكافة انواعها هي " الماء " يعني منتج بسيط وليس معقد بجانب طبعاً الخامات الأخري لمكونات الصابون بعضها رخيص الثمن وبعضها باهظ جداً في الثمن ولكن يتم أستخدام نسبة بسيطة منه وذلك ليس لأرتفاع سعر بل لانه يوضع طبقاً لمعدلات كميائية مركبة تركيب دقيق ولا يحتاج من هذه الخامات إلآ القليل فقط .

خامسا:- بالنسبة الي صناعة الصابون السائل كاحدي اهم المنظفات :-

من المعروف ان الصابون السائل يكتسح السوق بقوة لانه يتم استخدامه على نطاق واسع في الحياة العملية فمثلا يستخدم لغسيل الملابس وايضا لغسيل الاطباق وايضا يعالج معالجات خاصة ليتم استخدامة كغسول لليدين بدلا من الصابون الصلب المعروف وذلك لتكوينه الرغوة التى بدورها تقوم بازالة اى متعلقات سواء في الغسيل او في اليدين وذلك بمجرد غسلة بالماء.

بالنسبة للمكونات الرئيسية المستخدمة في صناعة الصابون السائل سواء للاطباق او اليدين او الملابس ولا نبتدى بالصابون السائل وطبعا كلنا عارفين انه اكتر حاجه بتتعب فى عمايلها بس هو اكتر حاجه ممكن تعرف بيها السوق كله وتعرف كل المنتجين اللى حواليك وهو طبعا اكتر حاجه الناس بتستخدمها فهو اللى هيخليهم يثقو فيك فى الاول لبعد كده فى المنتجات التانيه .
المكونات الأساسيه :-

1- حمض السلفونيك وطبعا كلنا عارفين انه نوعين نوع منه غامق ودا بيعمل نوع من التغبيش فى لون الصابون او بيخليه مش باين نقى خالص واولا مش بيدوب كامل في التركيبه علشان هو بيتغشفي السوق و النوع التانى الشفاف وهو دا اللى هنستخدمه علشان دا بيور اوى ولأنه بيكفى اكتر من الغامق مثلا لو استخدمنا لكل 100 لتر 8ك غامق نستخدم 6 ك من الشفاف .

ودا ممكن يحصل عليه العميل من خلال شركتنا أو من الأمان الأتية :-
1- المصنع السلفونيك الكائن في جمصه والجمادانه ال63 ك تقريبا ب 600 جنية ودا بيوفر كتير في التركيبة .

2- من شارع الجيش تقريبا عند الحاج / محمد عبد الرحمن يقال انه هو احسن حد بيبيع مركبات المنظفات ومش بيغش الخامات.

3- من شركه الزهور فى دار السلام من المترو وتركب من شارع ابو طالب الى مواصله فايده كامل وتقوله انزل شركه الزهور وهتلاقى هناك كل حاجه من المنظفات موجوده جمله وقطاعى .

4- ولو أنت في آي محافظة هندلك علي حد كويس يكون بيبيع الخامات للمنظفات بسعر الجملة وده لو مش هتعمل خط أنتاج كبير وهتورد أنته الخامة اللي مش بتصنع في مصر .

5- بالنسبه للناس اللى لسه هاتبتدى اول مره المشروع بخط أنتاج صغير ممكن تحصل علي كافة خامات المطلوبة للتصنيع المنظفات بأسعار الجملة من شارع الجيش اللى فى العتبه هناك بيبيع كل حاجة خاصة بخامات المنظفات وخامات التعبيئة .

ونحن نوفر لك كافة الخامات بس أحنا قلنا لك علي أماكن أخر لو راغب تشتري منهم مش من عندنا .
2- الصودا او البطاس ودا منه نوعين (NaOH—or—KOH) وطبعا نستخدم KOH.
واحسن حاجه نوع منها ما تصنعه شركه النصر اللى هيا تبع الجيش والطن تقريباً 650 جنية أو تجيبه من الشركات المذكورة بعاليه.

المكونات التجميليه والتكميلية في تركيبات الصابون السائل :-
3- التكسابون او n90 ودا الجمادانه منه غلي قوي فبنجيب منه كمية محدودة علي حسب حجم خط النتاج والطاقة النتاجية والكمية اللي بنجيبها منه ما يمكن الخط من العمل لمدة أسبوع آي نشتريها اسبوع أسبوع وده احسن وفى منه نوعين نوع هتلاقيه ماء لزج ابيض شفاف جدا شكله بيور اوى وهو ده اللألمانى وفى الصينى بتاعه بيقى اقل نقاوه ومش نقى المهم هتجيب الألمانى وده الطن منه بيتراوح ما بين 17 ألف جنية حتي 28 ألف جنية والثاني يقل عنه حاجات بسيطة يعني ممكن يقل الطن عن البيور من 2000 الي خمسة ألاف جنية وطبعاً شراء ام من عندنا أو من الشركات المذكورة بعالية او من آي مكان ترغب فيه .

 4- الكمبرلان او kd ودى مادى هتلاقيها سائل تقيل جدا مايل للون البنى والأصفر شويه ودا بنجيبه لو هنعمل منظف صابون سائل شغل نظيف جداعالي الجودة او ممكن تستغنه عنه لو عملائك على ادها حالهم ودا الطن منه ما بين 25000 ألف حتي 35 ألف جنية والمركب ده مش بنستخدم منه كميات كبيره تمام .

5- التايلوز ودى ماده باودر هتلاقيها زى الدقيق الفاخر ابيض جدا وفيها نوعين برده المانى ودا ابيض جدا والتنى صينى وهتلاقيه اقل منه نقاوه وبرده هتجيبه من عندنا او منالأماكن اللي ذكرنها بعاليه ودا الطن منه ما بين 65 ألف الي 70 ألف ودى برده مش بنحتاج من المركب ده كتير تقريبا اكتر تقريباً طن المنظفاتن بنحتاله ما بين 2.50 الي 3.50 تقريباً يعني حوالي 175 جنية الي 245 جنية للطن تكلفة هذه المادة .

6- البولى اكريماليد ودى الماده اللى بتعمل عرق للصابون زى ما بنعرف ان العسل الابيض مغشوش ولا لا ب العرق اللى بيفضل زى الشعره ودا بيميز الصابون النظيف اوى ودا بنستخدم منه كميه صغيره جدا زى 40 جرام او 50 بس اوعى تكتر صحيح المعدل الكميائي الصحيح بتاعه في التركيبة  50 جرام لل 70 لتر بس احنا بنعمله فى الصابون وليس فى المياء علشان بيعمل مشاكل مع التايلوز .

7- الخل الطبيعى بتاعنا من اى عطار او من اى سوبر ماركت .

8- الفورمالدهيد او الفورمالين " المادة الحافظة " ودا بنجيبه من شارع الجيش او تقدر تصرفه من اى مستشفى او من المحلات اللى بتاع البيطرى اللى بتجهز المزارع بتاع الفراخ هتلاقيه هناك رخيص جدا احسن لك هاته منه علشلن توفر لانه فى شارع الجيش أغلي .

9- اليوريا بتاع الارض العاديه اللى هى حبيبات دى وهتلاقيها بالشكاره وهيه مادة مش بتسخدم بسب كبيرة بل بنسب صغيرة في التركيبات للصابونأقصها 10 كيلو للطن .

10- الملح الانجليزى وهو متوفر في شارع الجيش أو عند المحلات البيطرى .

11- اللون ودا بنستخدم فيه 3 انواع اللون الصفر ودا لو الناس طلبته منك بس ياريت تخليك على اللون بتاع بريل احسن بيظبط كل حاجه وبيعجب الزبون اوى ومش بيبين اى ترسيب ماشى واللون بتاع بريل بنوصلة بتركيب لونين الآزرق والخضر بنسب معينة .

12- الريحه وديه ذي ما يحب صاحب المصنع بس أفضها رائحة الليمون لان دا الاحسن وارخص للزبون وليك واحسن ريحه ممكن تجيبها وتستخدمها وتنصفك اوى ( كامينا ليمون ) ودى الكيلو تقريبا منها ب 65 جنيه وفي نوع أفض هوه ماركة فريدل لأنه هيقف عليك ب خساره ومش هيديك الريحه اللى انته عايزها ماشى او بس أغلي شوية .

13- ورق ال PH وده علشان نعادل بيه، وده لخطوط الصغير او جهاز المعادلة وده للخطوط المتوسطة والكبيرة .

14- عبوات التعبئة ديه من عندنا او من شارع الجامع الاحمر فى العتبه جنب شارع الجيش عندك هناك كل حاجه عن الفوارغ بتاع بريل وكل الاشكال التانيه ماشى.

15- أستيكرات المنتج وديه بتقوم بطباعتها بكميات لحسابك بىي مطبعة لو الخط ضغير لكن الخطوط الكبيرة بها طابعات خاصة بها .

16- ثلاثى فوسفات الصوديوم وبنستخدمه لإزاله عسر الماء .

فوائد كل ماده من المواد الداخلة في صناعة الصابون السائل :-

(1)      الحمض والصودا وهو السلفونيك عندما يتعادلوا بكونوا الصابون السائل  وطبعا هما اللى بينظفو تمام وخصوصا الحمض ولانه بعمل كميه رغوه جامده تمام .

(2)      التكسابون وهو ماده مرغيه او من الآخر هيا الأهل فى زيادة الرغوه ماشى و بتساعد علي تنقىة الصابون السائل تماما وبتخليه نقى من الشوائب بتاع الحمض والصودا  .

(3)      الكمبرلان ودى زى مابيقولو معززه للرغوه يعنى بتضاعف كميتها على طول فتقدر تناسب بينها وبين التكسابون وخصوصا بتخلى الصابون تقيل جدا فى كثافته والقوام  .

(4)      الفورمالدهيد كلنا عارفين انه ماده حافظه علشان لو الصابون فضل عندك في المخزن او عند الزبون فتره طويله لا يتلف ويسبب لك مشاكل مش يعمل سمعه سيئة لمنتجك ليك ماشى.

(5)      التايلوز وهو ماده مثقله للقوام لكنها غاليه فلذلك بنستخدم كميه كويسه مش كتيره منه وبنكمل لزوجه بالملح الانجليزى .

(6)      البولى اكريماليد ودى الماده اللى بتعمل عرق للصابون ولكن بشرط نبعدها عن التايلوز لأنها بتكون معاه مركبات تانيه وبتلغى عمل الاتنين وبيتفصلو عن الصابون وبنستخدم كميه قليله منه زى 50 جرام لكل 100 لتر صابون ولو عايز تقلل الكميه يبقى احسن الى 40 جرام.

(7)      الملح الانجليزى وهو بيستخدم فى اللزوجه والتتقيل للصابون .

(8)      الخل وهو بيعطى للرغوه لمعان كبير.

(9)      اليوريا ودى بنستخدمها فى الآخر علشان بنشيل بيها اى تغبيش فى الصابون وبيتم وضعها بعد اللون وقبل الريحه وهى بتدوب عادى فى الصابون نفسه مش فى مياه بره.

(10)          طبعا لسه اللون والريحه ودول عارفين هما ليه .

(11)          ورق ال PH وده بنعادل بيه الحمض بالصودا الى ان يصل لـ 6 وليس 7.

(12)          ثلاثى فوسفات الصوديوم وبنستخدمه لإزاله عسر الماء.

لعلم يوجد لدينا كافة أنواع ماكينات الخلط لكافة المنتجات الغذائية والصناعية والكيمئائية ، وكذلك يوجد لدينا كافة ماكينات التعبئية والتغليف والغلق لكافة الصناعات ، وكذلك يوجد لدينا كافة خطوط انتاج ووحدات بكافة الأحجام المني صغيرة والصغيرة والمتوسطة والكبيرة في كافة الصناعات والحرف .

يوجد لدينا خطوط انتاج المنظفات بطاقة تبدأ من 500 كيلو في الساعة حي 20 طن في الساعة .
يوجد لدينا خطوط تعبئية وتغليف لكافة المنتجات الصناعية مني صغير وصغير ومتوسطة وكبيرة .

وده أبسط طريقة وأصغر خط انتاج منظفات مقدم كخدم من شركتنا للشباب والفتايات الجادين والرغبون في العمل الحر الشريف وإيضاً مقدمة منا للمرأة المصرية المكافحة التي تريد أن تعمل معمل صغير في منزلها وتصنع الصابون السائل للبيع باقل تكلفة ويكون جيد جداً وليس مقياس للعملاء الراغبين في عمل مشروع او خط أنتاج وتصنيع منظفات تجاري وصناعي كبير :-

ابسط طريقة لصنع صابون سائل مركز " بيريل "

النسب المطلوبه لعمل 100 لتر صابون
1-  6كيلو حمض سلفونيك شفاف ولو عايز تزود جوده اوى يبقى سبعه كيلو .
2- الصودا ودى بنعادل بيها الحمض ووطبعا معانا ورق ال PH وطبعا وبتبقى النسبه تقريبا لكل كيلو حمض 170 جرام صوردا.
3- الفورمالد هيد ودا بنستخدم منه 250 مل لكل 100 لتر صابون .
4- ثلاثى فوسفات الصوديوم وبنستخددم مثلا تمن كيلو منه. او نطنشه اصلا.
5- التايلوز وبنستخدم منه 150 جرام وبنكمل تتقيل بالملح الانجليزى .
6- البولى اكريماليد وبنستخدم منه من 40 ل 50 جرام منه .
7- التكسابون وبنستخدم منه نصف كيلو على ال100 لتر صابون .
8- الكمبرلان وبنستخدم منه ربع كيلو ولو مش موجود مش مهم بس وجوده افضل لجوده الصابون اوى فى التقل والرغوه والربع كيلو ب 5 جنيه بس.

 9 - اليوريا ونستخدم منها من نصف ل كيلو حسب الرغبه بتضيفهم ربع كيلو بريع كيلو ماشى .
10- الخل وبنستخدم منه نصف لتر ل 100 صابون .
11 - الملح الانجليزى وده بنستخدم زى ماقلنا من 2 ل 3 كيلو منه على ال100 كيلو تمام .
12- اللون ودا بنستخدم تقريبا حسب الرغبه فى تقل اللون ونصيحه ليك تقل اللون احسن علشان الناس بتاخد منه على اساس انه تقيل ب اللون بتاعه ماشى.
14- الريحه ودى بنسخدم من 50 ل 75 مل حسب الرغبه .
التجهيزان المراد تجهيزها برده للمراة قبل البدا في تصنيع المنظف
1- نجهز الحمض السته او السبعه كيلو لواحدهم .
2- نجهز الصودا اللى قلنا على الكميه اللى اتفقنا عليها.
3- نجهز التكسابون ونضيف عليه 100 جرام ملح وعند اضافته للصابون نضيف كوب ماء ونقلب بسرعه ونضيفه للصابون .
4- نجهز الكمبرلان فى لتر ماء ونقلبه كويس عند اضافته.
5- نجهز اليوريا نصف كيلو وربع وربع كل واحد لواحده.
6- نجهز الملح كل كيلو وكيلو ونصف ونربع وربع كل واحد لواحده.
7- نجهز اللون فى لتر ماء ونقلبه كويس وعارفين انه هنضيف اللون الازرق الاول ثم الاخضر رب ب ربع لما نصل للون المطلوب .
8- نجهز الريحه فى نصف لتر ونقلبه كويس وعند الاضافه نقلب كويس ونضيفه.

طريقة التحضير :-

طبعا احنا هانتكلم على اساس فى عندك وحدة الخط الصغير ماشى اللى ان شاء الله تحصلي عليه من عندنا.

1-           نجهز وعاء الخلط 120 لتر .

2-           نملاء وعاء الخلط حتي علامة 80 لتر المحددة علي الوعاء ثم نضيف ليهم ثلاثى فوسفات الصوديوم ونشغل الخلاط لمده 5 دقايق

3-           ثم نضيف التايلوز تدريجيا شوية شوية " حبة حبة " وحنا مشغلين الخلاط كويس لمده ربع ساعه او ثلث ساعه  .

4-            نضيف الحمض تدريجيا ونقلب لمده 5 دقايق بالخلاطة .

5-           نضيف الصودا واحانا اتفقنا على الكميه لحد ما نقيس ال PH ولازم يكون (6) مش (7) تملم علشان سته معناه الوسط حامضى علشان الوسط الحمضى بيقتل اى بكتريا بتتكون او طفيليان من الآخر علشان يقتل اى عفن مهما طالت المده ولنظافه تكون كويسه وعند الوصول للمعادله نقلب لمده 10 دقايق علشان التفاعل يتم  .

6-           نضيف التكسابون ونقلب بالخلاطة كويس لمده 7 دقايق لحد ما اللون بتاع الصابون الابيض يروق خالص.

7-           نضيف الكمبرلان ونقلب كويس وطبعا زى ماتفقنا ان المياه هتتضاف له لتر ماء ونقلب كويس لحد ما يبقى خفيف فى التقليب ونضيفه للصابون ونقلب لمده 5 دقايق بالخلاطة .

8-           نضيف الخل ونقلب لمده 3 دقايق .

9-           نضيف البولى اكريماليد اللى اتفقنا على كميته ونقلب لمده 3 دقايق ونفتح على الصابون ونكشفه ونتركه مكشوف لمده ربع ساعه .

10-   بعد كده نضيف كيلو ملح ونقلب كويس ثم نضيف اللون بتعنا وطبعا هايبقى التقل مش زى ماحنا عايزين هنقلب اللون كويس الاول ونشوف درجته لحد ما يكون دى الدرجه اللى احنا عايزينها .

11-   نبدأ نضيف الملح نصف بنصف ثم ربع ربع لحد مانوصل للتقل اللى احنا عاوزينه .

12-    طبعا هنشوف اللون حصله تغبيش يعنى من نفى خالص ومتعكر وفى حاجات شكلها مش دايبه نبدأ نضيف نصف كيلو يوريا (حبيبات بتاع المعمل اللى احنا اشتغلنا عليها وهيا بتدوب فى الصابون عادى ) وبعدين نقلب لمده 5 دقايق ونشوف النقاوه زى ماحنا عاوزين ولا لا ولو لسه نضيف له ربع كيلو ونقلب 3 دقايق ونشوف النقاوه وبرده ممكن تزود ربع لو مش عاجباك لحد مانحنصل على الابون النقى جدا زى البريل وحاول انه مش يكون نقى جدا لدرجه عليه علشان هاتلاقيه بقى شكله زى الخفيف فممكن الناس تقول ده خفيف فتتطر تضيف لون علشان تتقله .

13-   اخيرا الريحه ودى بنجهزها بره فى نصف لتر زى ماتفقنا وبضيفها بعد مانسيب الصابون مثلا 10 ساعات فى الهواء لحد مايبرد ويتقل اكتر من كده وبعدين نضيف الريحه نقلبها كويس قبل ما نضيفها وينصح بإضافتها قبل التعبئه مباشره .

طبعا ان شاء الله هنلاقى الصابون السائل " البريل " التجاري الذي صنعناه مطابق فعلاً للبريل الصناعي اللي بتصنعة كبري الشركات .

مع شرائك الخط سوف تحصل علي سي دي تعليمي بها ملفات تركيبات كاملة لكافة انواع المنظفات الصابون السائل والكلور والفنيك والشامبو والديتول والشاور جل وخلطات لتطويل الشعر وتغذيته و الداونى معطر الملابس بامداد ورد وبي دي أف وكما بها فديوهات تعليمية لذلك .

وهنا نقدم لكم من مجموعة بيراميدز جروب طارق عقل وشركائه عرضا الرائع

أصغر خط انتاج وتصنيع المنظفات " الصابون السائل - الشمبوهات بانواعها البيريل - ...الخ

فرصة عظيمة للشباب والفتايات الجادين وللمرأة المكافحة 
مشروع انتاج وتصنيع المنظفات بكافة أنواعها

أصغر خط إنتاج وتصنيع المنظفات بكافة أنواعها
صورة بها بعض الماكينات التي يختر منها العميلا خط أنتاجه 

نقدمها للشباب الجاد الراغب في خلق فرص عمل لنفسهم بكفاح وجهد وعرق

نظر لكثرة طلب عملائنا الكرام لخطوط أنتاج المنظفات

السلام عليكم ورحمه الله وبركاته

الحمد لله رب العالمين والصلاة والسلام على أشرف المرسلين محمد بن عبد الله المبعوث رحمه للعالمين أما بعد نعتذر مرة اخرى عن التأخير عن في تقديم عروضنا وذلك حيث لا نستطيع تقديم عروض في مجال صناعي إلا بعد أن يكون لدينا من الخط عدد كافي لتلبية رغبة عملئنا الكرام في الشراء .

نعرض عليكم اليوم مجموعة من عروضنا لخطوط أنتاج وتصنيع المنظفات بكافة انواعها المتواجدة والجاهزة علي التسليم للعملاء الراغبين في الشراء .

وتقدم المجموعة لدينا أصغر خط انتاج منظفات للشباب والفتايات الجادين الراغبين في العمل الحر الشريف وكذلك للمراة المصرية المكافحة

خط صغير بطاقة أنتاجية عالية يصلح للعمل كمية صغيرة أومتوسطة يوميا وبيعها في الأسواق

الطاقة الأنتاجية للخط 500 كيلو أو لتر في الساعة

والطاقة الأنتاجية في اليوم علي حسب رغبة كل عميل في عدد ساعات العمل اليومي

سعر الخط 60 ألف جنية مصري

الخط يتكون من

1-     ماكينة خلاطة سعة 250 لتر مصنع من أجود الخامات بماتور واحد حصان بالجربوكس موفر للطاقة بها قواعد لتسبيث وعاء الخلط ويمكن تحريك وعاء الخلط ووعاء الخلاط مصنع من البولي بروبين عالي الجودة ثلاث طبقات الماكينة بها وحدة تحكم إلكترونية وبها تيمر تحكم في سرعة الخلط ومدته .

2-     خزان 500 لتر / كيلو مصنع من البولي بروبين عالي الجودة ثلاث طبقات .

3-     أصغر ماكينة تعبئة نصف إلية واحد نزول بوحدة تحكم .

4-     ماكينة لحام اكياس أو ماكينة غلق فوهة العبوة بالكهرباء " إنديش " بكابر عبوة واحدة ويمكن إضافة إي كوابر أخري بطلب العمبل ودفع ثمنها

الخط بالكامل بسعر خاص ومغري 60 ألف جنية مصري
إمكانية دفع 60 % من قيمة وثمن الخط وأستلم الخط وأشتغل وسدد وقسط الباقي علي أطول فترة تقسيط 36 شهر بفائدة بسيط 16 % 

الطاقة للخط =500 لتر / كيلو في الساعة

الخط لا يحتاج إلا لمحل صغير او لحجرة مساحتها 12 م او 16 متر

هدايا من المجموعة علي الخط :-

1-     عدد ألف عبوة سعة لتر من البولي إثيلين عالي الجودة لونه أبيض بغطائه كمان .

2-     تصميم وطباعة عدد ألف استيكر لزقة للمنتج كهدية اخري منا لك .

3-     مع شرائك الخط سوف تحصل علي سي دي تعليمي بها ملفات تركيبات كاملة لكافة انواع المنظفات الصابون السائل والكلور والفنيك والشامبو والديتول والشاور جل وخلطات لتطويل الشعر وتغذيته و الداونى معطر الملابس بامداد ورد وبي دي أف وكما بها فديوهات تعليمية لذلك .

الهدايا اللي علي العرض للأول عشرة عملاء متقدمين للشراء
مع تحيات مجموعة بيراميدز جروب مصر

طارق عقل وشركائه

للأستعلام والأستفسار والشراء يرجي الأتصال بالأرقام الأتية :-

01028596288   ،   01006751034 

ملحوظــــة هامة جداً : سعر طن المنظفات فى الاسواق بتاريخ

(31/6/ 2017 ) من ارضة يبداء من 2000 الى 4000 جنية / سعر عبوة لتر 2.50 الي 4 جنية ، وعبوة الخمسة لتر بتدأ من 10 جنية الي 15 جنية وعبوة 10 لتر تبداء من 20 الى 30 جنية من ارض المصنع , سعر المواد المصنع منها المنظفات ذكرن بعضها فيما سبق بعالية

ولا نستطيع وضع أسعار لها لان السعر متغير يومياً

ولكن في جميع الأحول طن المنظفات " الصابون السائل الصح والقوي والتجاري الغير مغشوش يتكلف ما بين 750 جنية الي 1350 جنية بما في ذلك عبوات التعبئة والتغليف وكمان التسويق

يعني المكسب في الطن الواحد ما بين 350 جنية الي 700 جنية او يزيد

وأسعار خطوط الأنتاج والتصنيع لدينا تبدأ من 60 ألف جنية الي 5 مليون جنية بنسبة لكامل معدات وآلات وماكينات الخطوط 

والان هذه دراسة مقدمة من  (مجموعة بيراميدز جروب للتنمية والأستثمار والخدمات والتجارة والأستيراد والتصدير والتوكيلات التجارية والصناعية والتوريدات العامة والدعاية والأعلان والتسويق ) وتقوم المجموعة بأنتاج وبتصنيع كامل معدات وآلات وماكينات كامل خطوط الأنتاج وتقوم بتركيبها لعملائها .

تعطي المجموعة لدينا أطول فترة ضمان لآي خط من قبلها وهي " 5 سنوات " ضمان علي كامل الخط 

وهذه الدراسة عن تجربة حقيقة لما قمنا بتسليمة لعملائنا الكرام

 وهذه الدراسة حصرية

ارجو من يريد النقل ذكر المصدر

واسف على الاطالة

واى استفسار ارجو التواصل على الفيس بوك او سكاى بى او الاتصال على رقم الموبيل المذكور أسفل

 الي كل شاب وفتاة جاد وجادة  يبحثان عن فرصة عمل حقيقية من خلال إقامة وأنشاء مشروع خاص به أرجوا مرسلتي لمساعدته في إقامة وإنشاء مشروعه من خلال المرسالة علي

عناوين البريد الألكتروني للمجموعة

pramedsgoropelmanea@yahoo.com

tarekakl2012@gamil.com

tarekakl2011@yahoo.com

tarekakl2012@yahoo.com

أو عبر رسالة به السيرة الذاتية كتعليق علي موقع الإعلان علي مدونتي هذه
او بالبريد العادي علي العنوان التالي :-
مصنع مجموعة بيراميدز جروب طارق أحمد عقل وشركائه
الكائن بمجمع مصانع بيراميدز جروب بشارع اللواء محمد عقل باشا بقرية الجزائر مركز سمالوط محافظة المنيا مصر 

للأستفسار والأستعلام نرجوا الأتصال بالأرقام الأتية :-

01028596288

01006751034

مجموعة بيراميدز جروب مصر محافظة المنيا

751034

أو زوروا موقعنا التالي

https://pramedsgorop.blogspot.com.eg

http://tarekaklegapt.blogspot.com.eg

 ان وفقت فهذا من الله عز وجل وان اخطاءت فمن نفسي والشيطان

والسلام عليكم ورحمة الله وبركاتة
اخوكم فى الله طارق عقل

رئيس مجلس إدارة مجموعة بيراميدز جروب

لكم منا التحية والأحترام والتقدير

من يعجبة الدراسة وموضوعها وما نشر بها نرجوا منه ترك تعليق عليها وشكراً

صور بعض عروضنا ومنتجات ومن ماكينات وآلات ومعدات انتاج متنوعة للمنظفات ولغيرها وهي التي يعد منها خطوط النتاج المختلفة الأحجام " متناهية الصغر والصغيرة والمتوسطة والكبيرة

لكم مني كل التحية والحترام والتقدير